Normas ortográficas e morfolóxicas do idioma galego (RAG, 20ª edición, feb-2005).pdf

NORMAS

ORTOGRÁFICAS E

MORFOLÓXICAS DO

IDIOMA GALEGO

•

NORMAS

ORTOGRÁFICAS E

MORFOLÓXICAS DO

IDIOMA GALEGO

I NSTITUTO DA L INGUA G ALEGA

1ª edición, outubro 1982. 2ª edición, marzo 1983. 3ª edición, outubro 1983. 4ª edición,

outubro 1984. 5ª edición, agosto 1985. 6ª edición, agosto 1986. 7ª edición, outubro 1987.

8ª edición, outubro 1987. 9ª edición, outubro 1991. 10ª edición, outubro 1992. 11ª edición,

novembro 1993. 12ª edición, outubro 1994. 13ª edición revisada, maio 1995. 14ª edición, xanei-

ro 1996. 15ª edición, novembro 1996. 16ª edición. decembro 1997. 17ª edición, setembro 2000.

18ª edición revisada, decembro 2003. 19ª edición, febreiro 2004. 20ª edición, febreiro 2005.

P RESENTACIÓN

A Lei de Normalización Lingüística (Lei 3/1983), na súa disposición adicional,

recoñécelle á Real Academia Galega o criterio de autoridade para establecer a nor-

mativa e ditaminar cal é o uso correcto da lingua. Pídelle tamén a súa actualización e

revisión en función do proceso de normalización do uso do galego. A nosa Institución,

atenta aos cambios que a sociedade demanda, cumpriu este mandato. Nesta liña

débense interpretar as modificacións á Norma levadas a cabo en 1995 e as efectuadas,

con maior profundidade, no ano 2003.

Para levar a cabo esta reforma, e como garantía de maior acerto, a Real Acade-

mia Galega nomeou unha Comisión de Estudo, integrada por catro académicos nume-

rarios, tres representantes dos Departamentos de Filoloxía Galega das tres

Universidades de Galicia e un representante do Instituto da Lingua Galega. A Comisión

estudou durante varios meses os cambios que, ao seu criterio, deberían introducirse na

normativa. Os resultados do traballo da Comisión foille presentado á Real Academia

Galega, quen os aprobou na sesión plenaria celebrada o 12 de xullo de 2003.

O modelo lingüístico proposto baséase fundamentalmente na lingua viva falada

polo noso pobo, limpa dos elementos alleos que non son necesarios, tratan de seguir a

mellor tradición histórica, buscan que nel se sinta representada a maioría dos falan-

tes, e procura ser coherente coas demais linguas de cultura.

A busca da concordia lingüística explica que se introducisen aspectos asumibles

doutras propostas normativas. Esta é a razón da inclusión de solucións dobres, al-

gunhas das cales xa estaban presentes nas normas anteriores pero quizais non formula-

das coa suficiente claridade.

Estamos seguros de que as Normas que hoxe presentamos, que non supoñen cam-

bios radicais con respecto ás anteriores, terán unha acollida social favorable e mesmo

entusiasta. Esperamos que sexan un punto de encontro para todos, o que nos permiti-

rá avanzar decididamente no proceso de normalización da nosa lingua.

Deseño e maquetación:

DESOÑOS

I.S.B.N.: 84-87987-51-6

Depósito Legal: VG - 186-2005

Imprime:

Artes Gráficas Vicus, S. A. L.

Rúa Segovia, 19 - Vigo

X OSÉ R AMÓN B ARREIRO F ERNÁNDEZ

Presidente da Real Academia Galega

N OTA Á DÉCIMO TERCEIRA EDICIÓN

•

Hai xa case trece anos que se aprobou nunha sesión conxunta da Real Acade-

mia Galega e do Instituto da Lingua Galega a primeira edición das Normas orto-

gráficas e morfolóxicas da lingua galega. Desde aquela as dúas institucións non

cesaron de realizar estudios cada vez mais profundos e documentados sobre a his-

toria e a realidade actual da nosa lingua. A esta altura pareceunos necesario facer un

exame pausado do texto normativo que nos levou ó fondo convencemento da súa

bondade, da súa solidez científica e da plena validez dos principios que o inspiran.

Non obstante, considerámo-la conveniencia de realizar pequenas modificacións

puntuais, de reforzar algúns dos argumentos e, sobre todo, de cubrir algunha lagoas que

presentaba a versión do ano 1982.

O resultado é este texto, revisado, actualizado e ampliado, que foi aprobado polo

Consello Científico do Instituto da Lingua Galega o día 11 de novembro de 1994, e

pola Real Academia Galega en sesión extraordinaria do día 25 de febreiro de 1995.

N OTA Á EDICIÓN DE 1982

•

As presentes normas constitúen o acordo da Real Academia Galega e do Instituto

da Lingua Galega en materia de unificación ortográfica e morfolóxica.

A comisión que elaborou a proposta, guiada polos principios expostos na intro-

ducción, tivo en conta as normas achegadas por cada unha das institucións, pero con-

siderou oportuno revisalas e amplialas en puntos insuficientemente tratados nas

respectivas normativas, así como incorporar outros que non foran nunca obxecto da

normativización.

A proposta foi aprobada nunha sesión conxunta da Real Academia Galega e do

Instituto da Lingua Galega o 3 de xullo de 1982.

Plik z chomika:

Inne pliki z tego folderu:

Inne foldery tego chomika: