Przywilej_radomski_1505(1).pdf

Przywilej radomski z 1505

3 V 1505, Radom

♦

In nomine Domini amen. Ad perpetuam rei memoriam. Regnancium et imperancium suspicia feliciora

semper eveniunt, dum quod sacris suis proferunt et promittunt oraculis pro iure et iusticia

consolationeque subditorum fidelium tenendum, id litteris etiam perpetuis firment et posterorum

notitie commendent evo perpetuo duraturum. Proinde nos Alexander Dei gratia Rex Polonie, Magnus

Dux Lythwanie necnon terrerum Cracovie, Sandomirie, Siradie, Lancicie, Cuyavie, Russie, Prussie ac

Culmensis et Elbimgensis Pomeranieque dominus et haeres etc. Significamus tenore praesentium

quibus expedit, universis praesentibus et futuris, praesentium notitiam habituris: quia licet in sacris

Maiestatis Regiae nostrae primiciis dum videlicet principes spirituales et saeculares, ceterique prelati,

barones et regnicolae, nostre felici aderant coronationi universa privilegia, per divos olim antecessores

nostros principes, duces, reges et per nos, post felicem coronationem nostram, Regno Polonie eiusque

regnicolis concessa promiserimus inviolabiliter tenere; tamen propter maioram eorum firmitatem,

annuentes votis consiliariorum nostrorum et nuntiorum terrarum, ex universis Regni terris in hac

conventione existentium, eorundem petitionibus et adhortationibus permoti, non per errorem vel

improvide aut indeliberate, sed ex speciali virtute et munificentia regiis nostris, per litteras perhennes

praesentes nostras, promissionem illam nostram solidiorem firmioremque efficere cupientes;

universarum terrarum nostrarum ac universorum et singulorum incolarum terrarum earundem, cuiusvis

status, sexus, conditionis et ordinis existentium, privilegia, indulta, munimenta, statuta, donationes,

libertates, praerogativas, immunitates et quaslibet venditionum ac donationum inscriptiones, sub

quibuscunque verborum tenoribus modis consuetudinibus atque dictis, per illustrissimos ac

serenissimos praedecessores nostros, principes, reges, reginas, haeredes et duces Poloniae, et per nos

ipsos, Regno Poloniae ac praedictis et aliis universis terris iuste et legitime datas, donatas, concessas et

emanatas ac data, donata, concessa, vendita et emanata tentaque et observata quorum et quarum

tenores, hic habere volumus pro insertis in omnibus ipsorum et ipsarum modis, punctis, articulis,

clausulis, conditionibus et consuetudinibus roboranda, confirmanda et ratificanda ac roborandas,

confirmandas et gratificandas duximus et decrevimus, roboramus, confirmamus et ratificamus,

praesentique scripti patrocinio firmamus, approbamus illas et illa, vere, perpetue et in evum

inviolabilis firmitatis robur obtinere; promittentes sub iuramento nostro quod in praedicta felici

coronatione nostra corporaliter praestitimus: illas et illa ac quodlibet illorum illarumque in omnibus

praedictis eorum earumque modis, consuetudinibus, positionibus, descriptionibus, articulis, punctis et

conditionibus firmiter, inconcusse et inviolabiliter tenere, habere et observare tenerique, haberi et

observari facere, temporibus perpetue duraturis. Quod si aliquid contra libertates, privilegia,

immunitates et iura praefata Regni fecerimus, illud totum cassum, irritum, inane, nullumque esse

volumus ac decernimus ipso facto, atque irritamus et cassamus, tenore praesentium, mediante. In cuius

rei testimonium sigillum nostrum praesentibus est subappensum. Actum in conventione generali

Radomiensi, sabbato festi Inventionis Sanctae Crucis [3.V.] anno Domini millesimo quingentesimo

quinto, regni vero nostri quarto. Praesentibus reverendissimo et reverendis in Christo patribus dominis:

Andrea archiepiscopo Gneznensi et Primate, Bernardino electo Leopoliensis, Johanne Cracoviensis,

Vincentcio Wladislaviensis, Johanne Poznaniensis et Luca Warmiensis ecclesiarum episcopis, necnon

magnificis, venerabilibus et generosis: Spithkone de Jaroslaw castellano Cracoviensi, Johanne de

Tarnow Sandomiriensi, Nicolao Gardzyna de Ludbrancz Calissiensi, Petro Myszkowski de Myrow

Dokument znajduje się w zbiorach Archiwum Głównego Akt Dawnych w Warszawie

─────────────────────────────────────────────────────────────────────────────

──────────────────────────────────────────────────────────────────────────────────

Lanciciensi, Nicolao de Cosczyelecz Brestensi, Nicolao de Crethkow Juniwladislaviensi, Johanne de

Tarnow Russie, Nicolao de Curozvanky Lublinensi et Prandota de Trczana Ravensi pallatinis; Johanne

Jaranth de Brudzow Calissiensi, Johanne de Przeramb Siradiensi, Janussio Lathalski Gneznensi,

Johanne Slupeczky Sandecensi, Iacobo de Szyekluka Woynycensi, Petro Szaffranyecz de Pyesskowa

Skala Visliciensi, Johanne Jordan de Zaklyczyn Byecensi, Stanislao de Mlodzyeowycze Radomiensi,

Martino de Boguria Zawichostensi, Stanislao de Potulycze Myedzyrzecensi, Petro de Opalenycza

Landensi, Petro Gorsky Naklensi, Nicolao de Radzykow Dobrinensi, Petro de Nyemyglow Ravensi,

Paulo de Chodcza Polanecensi, castellanis; Johanne de Lassko, ecclesiae Gneznensis et Regni nostri

cancellario, Iacobo de Sydlowyecz thesaurario Regni eiusdem, Alberto Gorski scholastico

Wladislaviensis, Nicolao de Barthnyky custode Plocensis ecclesiarum, secretariis nostris; Nicolao

Firley de Dambrovycza vexillifero Cracoviensi et capitaneo Lublinensi, Derslao Vilczek de Lubyen

Leopoliensi, Alberto Scora de Gay Dobrinensi, Stanislao de Cazanow Lublinensi succamerariis,

aliisque quam plurimis consiliariis et curiensibus nostris, ad praemissa testibus fide dignis, sincere et

fideliter nobis dilectis. Datum per manus praefati venerabilis Johannis de Lassko, ecclesiae

Gneznensis et Regni nostri cancellarii, sincere nobis dilecti. Johannes de Lassko qui supra cancellarius

scripsit.

Dokument znajduje się w zbiorach Archiwum Głównego Akt Dawnych w Warszawie

Plik z chomika:

Inne pliki z tego folderu:

Inne foldery tego chomika: