Paulek i Gustlik (na podstawie bajki Aleksandra Fredry .Paweł i Gaweł.) Paulek i Gustlik razym se miyszkali. Swady niy mieli, ani sie niy prali, Bo Gustlik to chop pieronym spokojny. Niy cis sie nigdy ku swadzie, do wojny. Dycki gazeta czytoł lub groł w szkata, Bšd se legnšł, jak to na stare lata. W swyj izbie na wiyrchu był w niebo wziynty, Jak mioł co lubioł, czyli spokój wiynty. Paulek w tyj chałpie na dole mioł izba I choć do tego niy chcioł sie prziznać, Waryjot z niego był fest pofyrtany. Myliwca udowoł dycki nad ranym. Tršbioł w goń sygnały, chytoł hazoki, Na fazany szczyloł i inne ptoki. Lotoł drap przy tym z izby do antryja I na leżanka skokoł ze bifyja. Biydok Gustlik skiż tego wyrobiania, Gowa mioł wielgo jak na jesiyń bania. Leci po probie: Pauleczku kochany! Byćże tak choć ciszyj trocha nad ranym, Bo żyje sie ciynżko i usnšć niy idzie. Czamu rojbrujesz tak bez cołki tydziyń? A Paulek na to: Ci stšd gupia małpo, Przeca se moga co chca robić z chałpš! Możno dwa tydnie od zdarzynio tego, W tyj chałpie dzioło sie co blank inkszego. Paulek sie jeszcze pod pierzinkš grzeje I mu sie na łeb co z gipsdeki leje. Bestoż klnie zmierzły i lypia łotwiyro, A tu je mokre praje cołkie wyro. Drap na góra leci fest znerwowany, Że niy poradzi poleżeć nad ranym. Klup! Zawrzyte dwiyrza. Bez dziurka kuknšł I praje zarozki z nerwów niy puknšł. Co ujrzoł? Woda? Co to je? - sie pyto. Czamu ty Gustlik w chałpie ryby chytosz? Na co woda w izbie i guminioki, Na co wędki, kibel, hoczyk, chroboki...? A Gustlik na to: Ci stšd gupia małpo, Przeca se moga co chca robić z chałpš! Taki z bojeczki tyj morał płynie: Gdy wieprzkiem - inni ci jak winie!
chomiczany