Przepisy PKP dla podrozujacych.pdf

Przepisy PKP dla podróżujących

1. Chto chce jechać kolejom ten musi mieć bilet. Bilet

kupuja sie przi kasie za piniądze, aż do tego miejsca, kaj

chce sie jechać. Chto jechać nie chce - może biletu nie

kupować.

2. Naczelnik stacyi abo zawiadowca jest łod tego coby

kozoł trąbić, abo tyż żeby piskoł. Poznać go idzie po

czerwonyj czapce, takim samym nosie i zaspanej minie.

3. Do pociągu wsiado sie bez drzwiczki i wysiado sie tom

samom drogom.

4. Kierunek jazdy wybiero se sam podróżny. Dozwolono

mu jest na ten przykład z Bytomia do Sosnowca jechać

przez Wrocław. Jednocześnie do Krakowa i Bytomia

wyjechać nie idzie.

5. Dzieci płacom pół bileta. Panny po 30 latach za dzieci

uwożać nie idzie, choćby były małe i bardzo głupie.

6. Siafner, czyli konduktor, jest to taki urzędnik kiery robi

dziurki.

7. Chto ma bilet wolnej jazdy, ten płacić nie potrzebuje,

chyba że sie koniecznie uprze.

8. Do kupeju można zabirać ino mieńsze tłumoczki, przez

co żony zabirać nie wolno.

9. Jeżeli podróżny chce użyć ździebko ruchu - wolno mu

lecieć za pociągiem.

10. Jeśli sie pociąg wykolei, to nie śmiesz mu tego brać za

złe - przeca kuń ma śtyry nogi, a tyż sie potknie.

11. Jak pociąg jest w pełno biegu, wtedy do knajpy

wstępować nie możno.

12. Pociągów przez letnie miesiące sie nie łogrzywo.

13. Za nieudane napady miłosne dyrekcje nie

łodpowiadajom.

14. Pociągi nadchodzom w rozmaitych godzinach z

rozmaitych stacyj.

15. Za jadło i picie w restauracjach musi sie płacić.

16. Łużywać firanek wagonowych na pieluchy lo dziecek

nie wolno.

17. Polowanie i strzylanie w wagonach jest niedozwolone,

za wyjątkiem niesrogiej nagonki na gęsi.